Chicken

Hindi ko alam ang ibig sabihin ngayon ng tulog, o ang pangangailangan ng mas mahabang oras dahil buong 24oras mahigit, gising ako. Emo trip + kape = insomnia. May mga salita kasing gustong lumabas mula sa utak ko na hindi magawang maibulalas. Maaring dahil natatakot o sadyang hindi pa kayang pakawalan. Ewan. Pero kagabi, kinailangan kong iiyak, ilabas lahat ng kayang ilabas dahil kung hindi, ang pangit ng pakiramdam. Natakot nga lang akong sabihin ang dapat kong sabihin, isulat ang dapat isulat kaya wala pa rin. Balak kong magtago para wala na lang, makalimutan ko na lang na kailangan ko palang ilabas yun. Pero... overdue na yun e. Kung itlog yun, manok na ngayon. At kung hindi ko pa ilalabas yun, ako na ang lalamunin ng mga manok sa dibdib ko o baka mangitlog na ako.

Baka bukas, pwede na. Sana lang hindi na ako maduwag.