Buwan XI

Sinusubukan kitang habulin
Gabi-gabi;
Nagbabaka-sakaling
Maawa ang langit
Na pareho nating nilalatagan,
Mapagbigyan akong
Masilayan ka,
Bago ako umalis.

Naninikluhod ako sa langit,
Araw-araw;
Habang ika'y kumikinang,
At ako'y naghihintay
Sa gabi;
Nagbabaka-sakaling
Makalabas habang nakalatag pa
Ang sinag mo sa langit,
Upang masilayan ka
Bago ka umalis.

Nakikiusap ako sa langit,
sa bawat pagdaan mo,
sa bawat paglisan ko,
Na masulyapan ako ng mata mo,
At makita mo ang pagtingin ko.

1 Disyembre 07