Anik-anik, Atbp., muling nagbabalik!

Isang taon na ang nakakalipas mula nang huli akong nakapaglagay ng entry sa isa kong blog, 'yung Anik-anik, Atbp. Kanina, naisipan kong magsulat muli para sa blog na 'yun. Ang pamagat, "May Buhay After UPBaguio". Nagsilbing bintana ko ang blog na yun ng aking buhay noong bago at habang nasa Baguio ako.

Noong paalis na ako, sabi ko iiwan ko na 'yun. Medyo masakit kasi para sa aking alalahanin ang mga karanasan ko sa Baguio, kaya parang ayaw ko na siyang palaguin pa.

Nito-nito lang, binisita ko ang blogsite ko na 'yun. Nagbasa, natawa, at bigla kong naisip na hindi ko pwede kalimutan ang lahat ng mga nakasulat doon dahil magaganda naman pala ang mga karanasan ko. Ika nga ng bakla kong sarili, "in fairness to me" may matino naman palang bagay na nangyari sa akin doon.

So, kanina, nagsulat lang ako. Binago ko na rin yung layout niya. May ibang alaala kasing napapasama sa tuwing nakikita ko ang layout nung blog ko na yun. E since matagal nang panahon yun at hindi na uso ang magdala ng sandamakmak na bagahe sa buhay (kumbaga sa Cebu Pacific, 15 kilos na lang ang limit ng bagahe!!!) kailangan nang magbago ng diskarte. I'm still figuring out kung anong gagawin ko dun, kasi tatlo na yung ime-maintain ko na blog. Kaya ba ng powers ko, o sapat ba ang mga kuwento ko para sa tatlong blog? Well, malay natin. Tutal, sabi nga nila, schizo naman ako. Haha.

Bisitahin n'yo, baka magustuhan n'yo rin 'yung mga dating nakasulat dun. May mga tsismis din, kung gusto n'yo. Pero siyempre, tungkol lang sa akin 'yung tsismis. Haha.