Ang Kagila-gilalas na Pakikipagsapalaran ni Kulas sa Bayan ng Walang Preno

Ganito 'yun. May isang tao na sobrang gala. Sa sobrang pagkagala niya, napadpad siya isang araw sa lugar na kung tawagin ay "Walang Preno."

Lahat ng tao sa lugar na ito ay walang preno sa pagsasalita, sa pagkain, sa pangungutya, maging sa paggawa ng wala.

Pagdating ni Kulas sa lugar na ito, nagtaka siya at napabulalas, "Hindi yata marunong gumamit ng tuldok 'tong mga 'to. Ano ba 'yan!"

Narinig siya ng isang bata.

"Hoy sino ka anong ginagawa mo sa bayan namin alam mo ba na bawal ang tumugil lang dito nang walang ginagawa alam mo ba na ito ang bayan ng walang preno wala ni isa dito ang pwedeng tumunganga lang"

Sabi nang bata na walang preno.

Napatanga na lang si Kulas nang biglang may dumating na sasakyan na wala ring preno at nasagasaan si Kulas.

Sa lugar ng Walang Preno natuldukan ang pakikipagsapalaran ni Kulas.

_________________
Sinulat ko 'to para lang i-test 'yung blog menu ng isang website. E sabi ni Lau, i-post ko daw sa multiply. Tawa kasi siya nang tawa habang binabasa niya 'to.